هلوو شلونكم شخباركم يا رب تكونون بخير
هذا الموضوع تحشيش واتمنى ينال اعجابكم..
المكان:في خيمه
المنظر:ليلى كاعده عالكاع وتنظف بالخضره
<يدخل قيس>
ليلى:قيس ابن عمي عدنا يا مرحبا يامرحبا
قيس:كم جئت ليلى باسباب ملفقه..ماكان اكثر اسبابي وعلاتي
ليلى:لك احجي عدل لا اضربك بحجاره افشخ ابو ابوك
قيس:صدك وين ابوج يولي؟
ليلى:بمركز الانترنيت
قيس:يعني احنا هنا وحدنا؟
ليلى:والشيطان دايح بيناتنه
قيس:لا اني ماافكر بهالامور
ليلى:ليش عيني عوبه كدامك مااشبه البنات الي تسخت وياهن
قيس:لا مو هيج الحجي
ليلى:<تقاطعه>بروح سعاد حسني اذا مااستعدلت يا قيس الا احرك خيمتك بكلن بانزين
قيس:على كيفج يا بعد مرتي وجهالي..ويطلع من جيبه حامض حلو يحاول يقشمرها بيه
ليلى:<في دهشه>تريد ان تقشمرني بحامض حلو؟؟؟
الاب يدخل الخيمه ويتفاجأ بوجود قيس!!..قيس هنا مع ليلى وامصيبتاااه..فلتمطر السماء بلوك ابو العشرين على راسي وتموتني
الاب:<لقيس>ولك شتسوي هنا ولكم جيبو الرشاشه اطفي العار الثأر..الثأر
قيس:لك عمي شبيكوالله ماكو شي شجاك..بهالاثناء ليلى خاتله ورا الباب
الاب:<بأنفعال>اين ليلى..ليلى..ليلى..
ليلى اجتي تركض..ابي ماالذي اتى بك مبكرا انته مو قلت حقعد ساعتين؟
الاب:النت فصل..وشبكه عالموبايل موزينه
ليلى:زين ليش مرحت تلعب بليارد
الاب:ماجان عندي فلوس بس دينار واشتريت بيه قوطيه ببسي وجيت
ليلى تباوع على قيس وتكوله:ضل يا قيس على العشه مسوين مركه فاصوليه تنفخ عشيرتك
قيس:شكرا يا ليلى اكلت لفتان من الفلافل اليوم واخاف ان عندما اكل الفاصوليه لاتقدرو ان تنامو من صوت الاشتباكات التي تصدر من خيمتي
الاب:<لقيس>اذا يا قيس امشي اشطح لا العب بخلقتك بلي ستيشن
وخرج قيس يبجي مو علمود ابو ليلى طرده لان مااكل الفاصوليه.
........
ان شاء الله هالموضوع نال اعجابكم
ولاتنسون الردود يا ورود
لحد يقرى ويفلت مثل قيس