يالساكن
يالساكن بكلبي وساد بيبانه
وغيرك مااشوف عيوني عميانه
اذا حبك حبيبي فاض بيك اهات
انه حبي جبل وهاج بركانه
واذا روحك حبيبي مرعداه الشوك
روحي من الماطل حيل تعبانه
واذا دمعك نهر بخدودك الحلوات
شلال الدموع اعيوني جريانه
واذا تملك حبيبي مفاتيح اكلوب
الكلبي رقم سري وانت عنوانه
صدك من اشوفك واحجي انه وياك
اكل للموت فوت واخذ الامانه
لان شفتك حبيبي واكتفي انه بهاي
والله الشوفه منك كلنه تسوانه
احبنك عدد مابالسمه من انجوم
وبحبك حبيبي الروح ولهانه
واحبنك بكثر سنين عمري الضاع
والشوفك يغالي عيوني عطشانه
لاتتركني اعيش بلا وجودك يوم
لاتتركني سمجه بجرف زهرانه
روحي انه حديقه وبيه انت ورود
ومن ترحل تصير الكاع عريانه
تعال بكل حنينك واعطف اعله الروح
روحي الي تحبك حيل حزنانه
واظن كل الاساس الي بنيته وياك..
.. من فولاذ
موياهو اليجي يغير بأركانه
موياهو اليجي يغير بأركانه
موضوع: يالساكن بكلبي 
الأحد نوفمبر 21, 2010 5:45 am
