كان يامكان في قديم الازل چان اكوووو بونية قصدي بنية
وشنو هاي البنية چانت تعيش بطرف الغابة الشمالي لان الغابة چانت طرف شرقي وطرف غربي وبيبيتهة يعني الحبوبة مالتهة چانت تسكن بالطرف الجنوبي من الغابة وشنو هاي البنية امهة وابوهة توفوا بالتفجيرات فخطية يتيمة والبيبية تحبهة لان مكسورة الجناح فچانت بيبيتهة تدزلهةهدايا وغراض لان تنقهر عليها ومتريد تحسسها بنقص لان مثل مكلنا امها وابوها ماتوا... فمرة بيبيتهة دزتلها هدية قبوط لونة احمر حلو فالناس بالمدينة شكاموا يسموها ليلى ام القبوط الاحمر صار يعني مثل اللقب الهة فمرة گعدت الصبح ليلى چان امها تگللها اني مسوية كليچة ام التمر وتنغصت البيبيتچ خطية لان تعرفين ما عدها سنون خطية حتى تغمزها بالچاي وتاكلها فروحي وديلهيا فگالت ليلى الامها مو تتدللين فالاماية خلت الغراض بالچيس ودزتهة بيد ليلى راحت ليلى بس شنو مفاتت بالطريق المبلط گالت خلي اطلع على الترابي اقرب لان اني ما اخاف من العلاسة الي على الترابي وهية گاعد تمشي شافت سيارة جاية من بعيد فگالت ايابة ذولة يمكن علاسة فطبگوا يمهة چان واحد يگللها اگول چان تگلة گول برة لو بالحمام چان يگللها شنو فگالت لا لا قصدي تأمر بس شنو خايفة ميتة من الخوف چان يكللها وين اقرب ابو جكاير فگلتلة يم رابع شجرة بصف الثانية على اليمنة فكللها زين انتي وين مولية بهالضهرية فگلتلة رايحة لبيبيتي چان يكللها اوصلچ گلتله لا قريب ميحتاج ذاك البيت يم التلة فگللها اوكي اودعناكم بس هية شنو بعدها صغيرونة ماتوچد متدري هذا الذيب... فهو همين على سرعتة راح لبيت بيبيتها وسبقها باوع من الجامة لان الجامة مكسورة وممصلحيها من اخر مفخخة انفجرت بضهر البيت لان وراهم وزير فگالت البيبية ليش اصلحها الوزير بضهرنا وراح نشبع مفخخات .... المهم الذيب باوع من الفتحة مال باب چان يشوف البيبية نايمة مريضة عدها روماتيز والبرد مأثر عليها فمتگدر تگوم فدگ الباب چان البيبية تگول منو فالذيب لوتي چان يبدل صوتة وگللها اني بيبي ليلى اني بس شنو قلد صوت ليلى فت چان البيبية تگلة فوتي حبيبتي الباب بعدها مكسورة من الانفجار وممصلحتها دفعي الطابوگة وفوتي بس لتنسين تسدين الباب لان عالگة الصوبة واخاف البيت ليبرد فات الذيب ورأستاً طفر على البيبية وجيبة جيبة شگشگهة گطعهة من البوس ... لا لا العفو من العض لان القصة تگول ياكلها مو يصادقها المهم اكلها وغسل ايدة ولبس هدومهة ونام بمكانها ...
ورة شوية وصلت ليلى چان تدگ الباب چان يقلد الذيب صوت البيبيةوكللها منو گلتله اني بيبي چان يكللها هلو حبيبتي دفعي الطابوگة ودخلي بس لتسدين الباب لان البيت خنگة من الجگاير؟
المهم فاتت ليلى باوعت على القريوله چان تشوف بيبيتهة مغطية راسها بالبطانية جان تكللها بيبي ليش مغطية راسچ چان يگللها الذيب الي على اساس بيبيتها حتى ما اعديچ لان بية فلاونزة چان تگول ليلى زين ليش اذنچ چبيرة بيبي جان يكللها الذيب حتى اسمع اغاني زين چان تگلة زين ليش ايدچ كبار بيبي چان يكللها حتى اطگ اصبعتين زين حبيبتي چان تگلة زين ليش سنونچ كبار بيبي جان يكللها الذيب حتى اكلچ بيها وگمز عليها الذيب بس شنو الغبي عثر بالقريولة وانچبح على وجهة وطفرت ليلى تركض بالحديقة والذيب يركض وراها وهية تركض والذيب يركض وراها وهية تركض والذيب يركض وراهة تعبوا من الركض فوگفوا اشتروا بيبسي من كشك وارتاحوا ورجعوا يركضون واحد ورة الاخ ... ليش مو ليلى عبرت الشارع العام ومن اجة الذيب يعبر اندعم بسيارة مال شرطة IP ونقذوا ليلى منة .... وتكسر الذيب وسجنوا....
جان بعدين تطلع صورة جبيرة على الشاشة الذيب كاعد يلعب وية ليلى توكي ودعابل ومكتوب عليها
موضوع: ليلى والذئب هع 
الأحد نوفمبر 14, 2010 10:43 pm
