هلاو عشاشين وعشاشات
شلونكوم
اليوم رح نكتب موضوع عن التكبيل على ممر العصور
مدخل للموضوع (شرح عنوان الموضوع)
التكبيل:وهوة عبارة عن تكوين علاقة غير شرعية بين الولد والبنية على شرط ان تكون البنية حلوة (حاتة) والولد نص ونص .... ززين والبنية المحلوة ويامن تكبل لعد ؟ عزيزي القارئ البنيةالمحلوة تكبل وية الشاب الحلو وهذا شرط اساسي كولي ليش وذالك عملأ بالمثل الي يكول الحلو ميكمل لان اذا هوة حلو وكامل مينطبق عليه المثل !ف من يكبل وية هاي العوبة تطيح حظى (كمت احجي فصحى) وينطبق عليه المثل
هسة عرفنة شنو تكبل هسة نجي نعرف شنو ممر
الممر :اي بما معنا الدرب الي نمشي عليه او يجي بمعنا ثاني مغاير لهذا المعنا يجي بمعنى طريق ايضا احتمال تكلي الممر شعلي بالدرب عفوا الممر شعلي بالتكبيل اخي الكريم اختي الكريمة عقم ايدك بالمعقم الصغير ابو الــ1000 دينار الي صاار هسة بــ1500 احسن ما تنعدي ويصير بيك افلاونزة الخنازير انوب متكبل .
نرجع لموضوعنة الي هوة علاقة المرر بالتبيكل البنية الحلوة والولد النص ونص او البنية العوبة والولد الحلو من يكبلون وين يمشون غير على الدرب لان اكيد مراح يصعدون طيارة اي نعم هاي هيه العلاقة بين التكبيل والممر
يعني مثل ما كال ابو المثل اذا ماكو طماطة شلون تصير زلاطة صح وهذا المثل ينطبق على هاي القاعدة اذا ماكو طريق وين يرحون متكلي
وبما انو الطرق كله مسدودة بالعراق!!! فــماكو تكبيل بالبلد (شوفو شلون تحليل خرافي)
بقت عندة اخر كلمة وهيه العصور
العصوور.. هاي ما عرفتة زين بس رح اكلكم شنو اظاهر الي كتب اسم الموضوع هندي لان قصدة العصرية وننعني بالعصرية فترة ما وراء الصبح والظهر معنا والي ما افتهم هاي السالفة مال عصر خلي يجي يمي ويجيب ويا عصرية ززينة فــ ستكانين جاي وهل سوالف الحلوة كرزات لفة كيفكم حتى لو كباب اقبل
وهاي هيه
كان معكم محللكم السياسي
تحيأتي للجميع هع
موضوع: التكبيل على ممر العصور (تحشيش حلو على الماشي)2010 
الأربعاء سبتمبر 01, 2010 4:14 pm
