ابراج الرجال اويلي منهم (خاص للبنات)

الحمل
يوديچ للشط يرجعچ عطشانه مامه شجابرچ؟؟؟
كل الي تريده الروح ما يلفي يمك والما تريده الروح چرب لنه يمك

برج الثور
بنتي هذا واحد ابو فليس شنو الي موازيچ؟ لو بس اعرف
تدايني يتونس تداعي مفلس تتركي مغلس

برج الجوزاء

لحگي روحچ وفكري الف مره قبل الزواج تره رح يرجعچ للقرون الوسطى ويصير حالچ
شجابني على الضيم چنت مدلله چنت البس الكابوي واكل نستله
شجابني على الضيم

برج السرطان
خلص ماماتي اتورطتي بعد يكون يطلع رجال بس مدي ايدچ على الله اقرب
اريد امشي للعباس وابچي بضريحه ينطيني حلو الطول گبل الفضيحه
برج الاسد

بس ساكت ومطنش ومغلس وانتي مچلبه بي اي قابل حظرته جون ترافولته؟؟؟
من السكوتي موتي من الورواري خلي وفوتي

برج العذراء
المشكله ان الاخ شايف روحه دون جوان زمانه يعني مو بس انتي الدعوه عامه للجميع
لتعاشر البذات والماله تالي
برج الميزان

هاي تاليها تصومين تصومين وتفطرين على بصلايه؟؟ اي ادري هو شكل قيافه تالي وياچ بنيتي
دگي الحجر بالحجر يطلع شرار ونار لاگي النهر بالنهر تلگي قوي التيار وانت معاشره بشر چن لاگيا كوم حجار

برج العقرب
حبيبتي عقرب واسمه عليه لا وچماله غريب الزمي درب الطفره كوني بالهزيمة كالغزال
الغريب ذيب وعضته متطيب

برج القوس
سيرتچ صارت على كل لسان ورسايلچ الي دازتهن منشوره بالمنطقه وجنابچ بعدچ ممرغله روحچ
ليش انت هيچي ويايه ليش انت هيچي چيف اني هيچ وياك صرت انت هيچي؟

برج الجدي
اربع سنين وهو وياچ والحجه مالته ديبني مستقبله اي لو ديبني الجنائن المعلقه هم چان خلصهن
صوچي كلها من اديه انتظاري عم عليه

برج الدلو
عيوني السياره تره مأجرها صدگتي حضرته مهندس بابه هذا ابتدائيه ممخلص
من فوك هالله هالله من جوه يعلم الله

برج الحوت
هو يگلچ اني رجل اعمال وانتي مصدگه مو بابا ابو حلاق وامه خبازه والبيك مطيرچي
هم حزن هم فراك هم قسمه سوده وحظ يمشي بالمگلوب واعمه الي يگوده

هههههههههههههههههههههههه...برجي ألعذراء هع هع

ههههههههههه اويلي منك برج العذراء يسلمو ع المرور فووووووووشي

» ابراج الحظ للحكومة العراقية تفوتكم والله
» فوائد العزوبيه للبنات والشباب
» نصائح للبنات يدارن شعرهن
» شخصيات الرجال المتميزه
» قــــوانين كرة القــدم للبنات