نصائح للبنات يدارن شعرهن

السلام عليكم
اليوم جايبة نصايح لاختي المسلمة هع

وساوجه نداءاتي

سيدتي , امي , بنت خالتي , بيبيتي ,بنت خالة امي , بنت عمتي , بنت عمة ام مرت خالهه لجيراننه ...اهلا بيج
الشعر: هو تاج راسج , المفروض تداريه و تهتمين بيه , و هو رمز جمالج , و هو املج , و مستقبلج , و حلم حياتج , و ,.. و ...و وووو...المهمحتى تكدرين تتعاملين وية شعرج بشكل صحيح ..

.اكو طريقتين:

1- الطريقة الصعبة:
أ- استعمال الشامبو الصحيح :يعني اهتمي بنوعية الشامبو اللي تستعمليه كون فد شي غالي ..ابو الخمس تالاف و فوك ..لان اذا اقل يعني شعرج قيمته قليلة عندج ..راح ينقهر شعرج و يتأذى و نفسيته تتعب ..و يقرر الرحيل ..و يبدي يهجرج على شكل خصلات توكع من راسج على فجأة ..هع.

ب-الحمام الزيتي: حتى تغذيه, لو بس بيج خير تغذين روحج؟؟؟ ..هذا تاج راسج اذا راح منين تجيبين تاج راس بعد؟!!؟؟ هاع

ج-المي الزين:ترة مينه تلف..من هسة اكللجياهه ..اشتري بطالة فرات و غسلي شعرج بيهه ..فدوة الفلوس الج و لجمالج عيني ..واحد جم مرة يعيش..و شكو بيهه اذا شربو الجهال من الحنفية و تمرضوا..الاعمار بيد اللهد-المشط: رحمة لوالديج شعرج كاتل احد من عشيرتج؟؟ ..ليش تكفشيه كفش من تمشطين؟؟..يا عيني عله كيفج ..ادري الجهال متعبيج و كهرباء ماكو و ابو الجهال يريد عشه..بس مشطي شعرج لخاطر الله ..مشطي شعرج خللي تصير بيج شوفةه-القراصة و الطاك: اهم شي ..الفركيتات و القراصة ام الوردة و ام الريشة ..و الطاك اللي هلكبره ..اللللللللللللله عبالك معركة براسج هع

2- الطريقة السهلة:
اولا:عوفي شعرج براحته ..ينمو و يتكنفش بجميع الاتجاهات ..و لا تشيلين همه..و اتبعي موضة الكفشة التاريخية اللي دتتبعه ميريام فارس و فرقة ميتاليكا الطاكة ..و من يسألوج كولي :مودة ..و موتي من الحر وية طفية الكهرباء ..
ثانيا: او....شيلي شعرج كله..زينيه صفر مثل العسكرية ايام زمان خلصي منه و من ضيمه ..و خللي راسج يشم هوة و يشوف دنيه ..و من يسالوج كولي:
كرعة و اخبل شحال لو عندي شعر
بواهااااااهاااااااااا

نصيحة مني شخصيا : ذبي شعرج بالزبل و ابتسمي للحياة

هااااااااع