الموسويه
.,مشرفة سابقة.,
  
عدد المساهمات : 60
عدد الدنانير : 162
تاريخ التسجيل : 10/09/2009
العمر : 32
البلد : العراق
المزاج : كووووووول
 |  موضوع: قصة ليلى والذئب 2009  الجمعة أكتوبر 30, 2009 6:09 pm | |
| اكيد كلكم تعرفون قصه ليلى والذئب الي جنه نسمعه واحنه صغار بس هاي قصه جديدة 2009 و ان شاء الله تعجبكم....
ايكلك
من كبرت ليلى وطبت صف سادس جانت شاده حيله (بحبل سري ) وتريد تدخل طبيه بس
خطيه ليلى مكدرت تغش بالامتحانات والبراشيم المسويته مجتي بالامتحان
والمدرس واكف عله راسهه مينطيه مجال تنقل فسوده عليه ليلى مطلت معدل زين
يدخله طبيه بس ليلى كانت مصره على حلمه وطبت كليه الطب البيطري ....
وليش و مو فد يوم يجي عليه الذيب ويصارحه ويكله :
الذيب : ( ليلى اني اريد اخذ من وكتج خمس دقايق )ه
وبما ان ليلى كانت كلش كريمه نزعت ساعته من ايدهه ونطته للذيب فرد الذيب: لالالا مو هيج خمس دقايق يعني اريد احجي وياج بموضوع هام
ليلى
: همينه مخلص حجيك عاد شتريد بيبيتي وماتت يعني بعد ماروحله وماوديله كيك
من الطاحونه شتريد مني بعد دتشوفني ماشيه بحالي اي دعوفني عاد
الذيب : لا ماتت بيبي (ويكول بقلبه هله صارت هم عروسه وهم ورث ) الله يرحمه جانت خوش مريه فتحتلي الباب بسرعه بوكته حته منو مكالت
ليلى : فضني شتريد
الذيب : ليلى مو اني من يوم الي شفتج بي بيت بيبيتج واني مدانام (البك كتلني) ومدا اتحمل حبيتج من اول بوعه
ليلى : صدقه .. وتريدني اصدك بيك اصلن اني ماعندي ثقه بيك ابد انته قشمرتني واكلت كيكه بيبيتي وتريدني اصدكك
الذيب
: ادري انتي هسه دتشكين بيه وباخلاقي بس شسوي اني السويته ويه بيبيتج جان
غصب عني اني دكيت الباب واني كلش جوعان وجنت متوقع تطلعلي وحده سمينه
وحلوه حته تصير هم عشه وهم دسم وطيب بس من شفت بيبيتج تفاجئة ممتوقع
تطلعلي وحده نواشف
ليلى : زين ومن قشمرت عليه بكلامك تذكره لو اذكرك
الذيب : لا والله ماتذكر بيومه جان بالي يم الكيك .. يا كيك
ليلى : من كتلك اشو عيونك كبار تكلي حته اشوفج زين .. خشمك جبير .. حته اشتم ريحتج زين .. حلكك جبير حته اعلف زين
الذيب
: والله حقج بكلشي واني هسه حوضحلج كلشي عيوني جانت جبيره لان ابويه صيني
وامي كرديه .. اما خشمي فبصراحه جنت العب بي هوايه واني صغير فتمدد
بالحراره وانتضرت الشتاء حته ينكمش بس ماكو بالعراق شته كله حر فبقه خشمي
هيج اما حلكي فهاي مو صوجي صوج الطبيب الجابني للدنيه جانت ولادتي متعسره
وجرني من حلكي فجولك حلكي من الطفوله وتدريين ابويه
made in china
ليلى : هسه شتريد مني
الذيب : ليلى اني احبج واريد اتزوجج ونجيب ولد واسمي (لواء) ..ه
ليلى : شنو بابه شتسمي
الذيب : لواء .. شبيج حته يصيحو لواء الذيب
ليلى : واني ماريدك وميعجبني ارتبط بواحد مثلك انته مو من مستوايه
الذيب
: ليش شبيه .. اشو حيوان وابن حيوان مفترس ماكل بس لحم و حوسمت الزوراء
كله مبقيت شي بحديقه الحيوان ماخذته اصلن اني هسه عندي zoo خاصه بيه
ليلى : حته لو تصير ابن الجلبي .. اني لو اتزوج قيس لو كاظم الساهر
الذيب :قيس شنو هذا من الجاهليه يعني بعده طفل .. ثانيا كاظم الساهر منين يباوع عليج
ليلى : لك قيس المعاجبك ابو القصائد و كاظم الساهر يموت عليه حته غنه اغنيه عله مودي انا وليلى
الذيب :اي اني هم شاعر وهم اغني مسامعه اغنيتي بستار اكادمي :
زعطوط جنت وانتي هم زعطوطه و حبنه كبر بحركات الزعاطيط
وبين النجمه والكمر كبر حبنه وازدهر لعيونج يا ليلى اعوي وقت الظهر
اما عن اشعاري فهم اطربج بيهه
نزرع سمج بالكاع نحصد جكاير خلف الله عل تمساح شكرا جزيلا
ليلى : انطيني مهله افكر
وبعدين انظرب بوري من ليلى
وعاشو عيشة سعيدة
تحياتي... | |
|
حلاوي ابو البلاوي
.,مشرف سابق.,
عدد المساهمات : 95
عدد الدنانير : 127
تاريخ التسجيل : 17/10/2009
| | موضوع: رد: قصة ليلى والذئب 2009 السبت نوفمبر 28, 2009 6:50 pm | |
| هههههههههه يسلموا تقبلي مروري | |
|
الموسويه
.,مشرفة سابقة.,
عدد المساهمات : 60
عدد الدنانير : 162
تاريخ التسجيل : 10/09/2009
العمر : 32
البلد : العراق
المزاج : كووووووول
| | موضوع: رد: قصة ليلى والذئب 2009 الأحد نوفمبر 29, 2009 1:53 am | |
| يسلموووو عالمرور الرائع
نورت الصفحه بطلتك
تحياتي
| |
|
حلاوي ابو البلاوي
.,مشرف سابق.,
عدد المساهمات : 95
عدد الدنانير : 127
تاريخ التسجيل : 17/10/2009
| | موضوع: رد: قصة ليلى والذئب 2009 الأحد نوفمبر 29, 2009 2:47 pm | |
| الموضوع منور بصاحبة نور على نور | |
|
رسلانا
.,مشرفة سابقة.,
 
عدد المساهمات : 606
عدد الدنانير : 861
تاريخ التسجيل : 30/06/2010
العمر : 29
البلد : العراق/بغداد
المزاج : متقلب
| | موضوع: رد: قصة ليلى والذئب 2009 الأربعاء سبتمبر 29, 2010 10:11 pm | |
| هههههههههههههههههه  | |
|
