*****ابو ذيات جديده لعيونكم*****

السلام عليكم ورحمة الله وبركاته



كلبك يم اهل العراق خله
عقلهم ناصح ومابيه خله
ولا بيهم خليل يخون خله
هذوله اكرام اهل طيب وحمية

ابد ماجان حبك سل علينه
ومثل ما نسل عنك سل علينه
غبت يومين!! مرن سل علينه
ثلث ايام معناها المنية

كلبي مارغب عكبك ولا حب
ولا فكر يحب غيرك ولا حب
مريض وماريد ابره ولا حب
بس جيتك ترد روحي اليه


بزمان الخير لهل الخير وكفات
وعلي دنياي شحت حيل وكفات
اليه وياك جانن خوش وكفات
شبده مني وكطعت الوصل بيه

مصايب غربتي بهجرك لوني
أفرح وأنسعد وأرجع لوني
امنيتي من العمر يمك لو اني
تواسيني وتضمد جروحي الية
يصاحب لاتضن مسرور بعداك
وعسى سم الزهر يندار بعداك
شيطفيلي الكلب من نار بعدك
يطفيها الوكت من ترد ليه

شكثر بجفاك ون كَلبي وهملك
وعكَلي غفل فاركَني وهملك
شتظن انساك يالغالي وهملك
اذا انساك معناهه المنيه

اعلن ياكلب حبك واشيعه
واتبع راي كل مخلص واشيعة
عيب حجاية السنه والشيعة
الوطن لأهل الوطن كلهم شويه

ياغالي الدهر بجفاكم بلانه
وقدر مكتوب من الله بلانه
شلون تنام يلغالي بلانه
واحنه سنين عشرتنه سويه



تسيل دموع من عيني والمهه
وتلوب لشوفتك روحي وألمهة
عذاب الروح من عندك والمهه
بسبب فركاك يالغالي عليه