اسئله غبيه

موضوع: اسئله غبيه الخميس يوليو 15, 2010 9:27 pm

شلونكم ان شاء الله بخير
اكو هواية اسئلة غبية كلنا نستعملهة مع احتراماتي للكل بس شنسوي كلنه
نستعملها هههههههه
؟؟؟؟؟؟؟؟؟؟؟؟؟؟؟؟؟؟؟؟؟؟

إنت نايم على القريولة مالتك، ومطفّي الضوة، ومتغطي
بالبطانية، يجي واحد من أهلك ويفتح باب غرفتك ويگلك: 'ها عبود!! شنو نايم
؟؟'
لا دا ارگص وأغنّي.. بس إنت دتتخيل آني نايم

معزومين يم جماعة، ووصلتوا.. دگيتوا الباب.. يفتحلكم واحد من أهل البيت
وراسا يگوللكم: 'ها..جيتوا ؟؟'
لا بعدنه على الطريق.. بعد نص ساعة نوصل لطويريج.. إشوية إزدحام

لابس هدومك الحلوة، ومتعطّر، والجل على شعرك يخبّل، وبيدك ميدالية مال
مفاتيح السيارة (إذا عندك سيارة)... تجي أمّك وإتكول: 'ها إبني...... طالع
؟؟'
لا يُوم.. دا أطلع للسطح.. وأعدّل الدش مال الستلايت.. بلكي يطلّعلي قناة
عرعر.

لازم الكتاب لو الملزمة، وگاعد دتقرة لأن باجر عندك إمتحان، وناثر الكتب
حواليك والأوراق مطشّرة بكل مكان.. يطب أبوك ويگلك: 'ها إبني.. دتقره ؟؟'
لا يابة.. دا أبدّل الدهن مال السيارة ودا أصلّح الكابريتر.

توّك لازم السماعة مال التلفون واتريد إتخابر صديقك (لو صديقتك)، وبديت
إدّك بالأرقام... تجي أختك وتسألك: ' شنو دتخابر'
لا . دا أسوي زلاطة.. بس السچينة عمية ومدتنگص الطماطة وياية

واحد يأشّر لتكسي.. التكسي يوكفله.. يگلّه للسايق: 'فارغ ؟؟'
لا عندي أربع خوط مال مدارس لازم أجيبها، وأريد اروح أتسوّك قبلها، واشتري
لحم، وأشتري ركيّة، وأدفع قائمة الكهرباء.

راكب نفرات بكيّا.. إطلِّع (250 دينار) وتنطيها للكدامك.. الكدامك يسألك:
'واحد عيوني ؟؟'
لا عيوني.. 20 واحد ورجعلي الباقي

إتريد تنزل من الكيّا..... تگولّه للسايق... على اليمنة بلية زحمة.. السايق
يسألك: 'شنو.. إتريد تنزل ؟؟'
لا .. دا أجرب حسّي... أشوفه حلو لو محلو من أحچي.

موضوع: رد: اسئله غبيه الخميس يوليو 15, 2010 9:38 pm

ههههههههههههههههههههههههههههههه.....سمعت غباء طبيت ركض...ههههه موضوع رائع ويموت ضحك وربك مشكور jiojijh

موضوع: رد: اسئله غبيه الخميس يوليو 15, 2010 10:25 pm

هههههههههههههههههههههههههههههههههههههههههههههه انت واحد منهم