ويلاه حمـــــــــــــــــــــــــــودي
خلاني كاعد للصبح ** أقره تفاصيل وشرح
مانام بعيوني ملح **هذا علمودك مودي
أويلاه حمــــــــــــــــــــــــــــــــــــودي
دوشيش بنج وجيكرة ** هندامي طالع سمكرة
لا بس إنعال وقندرة **ياناس شوفو إجرودي
أويلاه حمــــــــــــــــــــــــــــــــــــــــــــودي
كله علمود يا حلو ** لا رنه منك لا ألو
وإنته الكلتلي إدللو** والناس كلها إشهودي
أويلاه حمــــــــــــــــــــــــــــــــــــــــــــــــ ــــودي
لا رانيا المثلي وشهد ** أني العسل وأني الشهد
وإتمكيجت لك وشبعد ** وتجميل شد خدودي
أويلاه حمــــــــــــــــــــــــــــــــــــــــــــــــ ـــــــودي
من العام إجيتك للقسم **شنهو الفلم ما بي زلم ؟
أم كشرة يمك وأم خشم ** راح ألطم على إزنودي
أويلاه حمــــــــــــــــــــــــــــــــــــــــــــــــ ــــــــــودي
أعزب وحيد إبلا مرة ** وطاحت بكلبي المر مرة
النسوان ما تلزم سرة ** ومكرود تربة إيدودي
أويلاه حمــــــــــــــــــــــــــــــــــــــــــودي
راح أنتمي الهذا الحزب ** ماريد آهوى ولا أحب
تعبني حمودي الجذب ** والنوب أفوت بزودي
أويلاه حمــــــــــــــــــــــــــــــــــــــــــــــــ ـــــــــودي
إبليز أوكي ونعم ** وإتقلد بنجوى كرم
الريمون يسمع بس نغم **وروتانا لو ميلودي
أويلاه حمــــــــــــــــــــــــــــــــــــــــــــــــ ــــــــــــــــــودي
يا خوية بيدك ياسبع ** دكات كلبي وإستمع
تلكاه يخفكـ للربع ** وعابر عليها إحدودي
أويلاه حمــــــــــــــــــــــــــــــــــــــــــــــــ ــــــــــــــــــودي
طركاعة هذا المنتدى ** أتعشه بي وآكل غده
والسدة عليه ما سدة ** بأموري لو حمودي
أويلاه حمــــــــــــــــــــــــــــــــــــــــــــــــ ـــــــــــــــــــــــــودي
أيلاه حمودي مرّ ** طعم العشكـ مثل الجمر
بالبيض حظي وبالسمر** وضيعت إسمي وكودي
أويلاه حمــــــــــــــــــــــــــــــــــــــــــــــــ ــــــــــــــــــــودي
قانون عالنسوان كون **بي نمنع إكبار العيون
خافن يصيب الحر جنون**وإيفجر العنقودي
أويلاه حمــــــــــــــــــــــــــــــــــــــــــــــــ ــــــــــــــــــودي
أم خشة وعيون العمص** ينحجز من ذب الها شص
وننطيها للموقع قرص ** وتتشارك إعله السي دي
أويلاه حمــــــــــــــــــــــــــــــــــــــــــــــــ ــــــــــــــــــــودي
وإعلان إلكم يا بنات ** ما كو عرض لا عضلات
بس التعارف على الجات ** والباقي يم حمودي
أويلاه حمودي
موضوع: 11111111222 
الأربعاء أبريل 14, 2010 12:09 am
