تدرين شسويتي بحــــــــــالي
من رحـــــــتي انتي وخليتيني
تدريــــن عيونــــي بس تبچي
وروحي شاغت من عفتيني
أنطيتچ گلب شـــــــگد حنيين
وأنتي گبـــــــــاله شنطيتيني
أوعــــــود وهم طلعت چذابة
وبأقرب فرصـــــــة تركتيني
چنت مغمض ماعرف الحب
وانت البيــــــــــدچ علمتيني
وأول مرة أتواعـــــــد بيهه
أذكـــــــــر انتي الواعدتيني
وليهسه أذكر ذاك الموعد
وأذكر وين انتي تنيتيني؟؟
وگلتيلي هذا دريب الـــحب
ودنگتـــــي عليه وبستيني
تدرين شـــــسويتي بحالي
من رحتي انتي وخليتيني؟
يحتاج اشكيلـــــچ بعد اكثر
من نظرة وچنتي تفهميني
ترديني اتوســـــل واترجى
مو چنتي انتي ألتترجيني
مو گلتي حبيــــيب للتالي
شبسرعة وانتي نسيتيني
شنهو ألغــــيير گلبچ عني
حبييب چنتي انتي تسميني
بين طبــــــــــــعچ ياغدارة
حب غيري عرفتي وبعتيني
روحي مسلمــــچ بيدين الله
انتي ألخنتـــــــي وغدرتيني
موضوع: تدرين شسويتي بحالي 
الخميس نوفمبر 19, 2009 11:41 pm
