منتـــــديــــــــات نجـــــوم المحبه ألعـــــــراقي


منتدى النجوم العراقي يرحب بكم واهلا وسهلا
 
الرئيسيةالتسجيلدخول

شاطر | 
 

 دردشه في سيارة كيا بعد الانتخابات

اذهب الى الأسفل 
كاتب الموضوعرسالة
العزاوي المميز
عقيد نجومي
عقيد نجومي
avatar

ذكر السرطان القرد
عدد المساهمات : 96
عدد الدنانير : 195
تاريخ التسجيل : 29/06/2010
العمر : 26
البلد : العراق
المزاج : رايق

مُساهمةموضوع: دردشه في سيارة كيا بعد الانتخابات   الأربعاء ديسمبر 15, 2010 7:54 pm

دردشة في سيارة كيّا(كاظميه - الجامعه المستنصريه):
ِحجي يجلس في المقعد الامامي (بعد عبور سيطرة تفتيش) : والله هاي ما صايرة .. كل هاي السيطرات وماكو فايده . والله انذبحنه ، شوكت نرتاح ..
• السايق: عمي يا سيطرات كلهم لغافه وملتهين بالبوك ..

• حجية : يمه لحد يحجي عليهم ذوله ولدنا ، شيسون اكثر من هذا ، واكفين بحلك الموت

• حجي اخر: عمي امريكا ام المصايب ، معقوله ماتكدر تلزم ابن لادن وتخلصنه

• مرة اربعينية : ابو اسراء راح يلزمهم واحد واحد
• الحجي: اي من دبش !!

• شاب يجلس خلف السايق: صولاغ لو بي خير جان حمه اخوه
• الحجي: اني من اشوف صولاغ وصاحبه الثاني بالتلفزيون اكول اشتغل الجذب . قتلنا والقينا القبض وراح نحط خطة امنية جديدة وراح نسوي وراح نسوي وكل قبض ماكو
• حجية كاعدة يم الباب :أكلكم يمة ، هو صولاغ مو ابن بدرية الملـــه ؟
• الجميع : ههههههههه
• الحجية : لا والله صدك ، بدرية بت شناوه رجلها الله يرحمه،هم اسمه صولاغ بس ذاك شويه بي نور محمد مو مثل هذا مجولح .

• المرأة : لا يمه يا بدرية المله ... هذا اسمه بيان جبر الزبيدي

• الحجي : لا اسمه باقر جبر صولاغ
• واحد من الخلف : لا حجي اسمه باقر جبر الزبيدي
• الشاب الاول : لا اسمه بيان جبر صولاغ
• السايق: جمعوا الكروه اخوان
• الحجي :والله صولاغ شرطي ما اخليه ، مو وزير داخلية .. صورة جرجوبة
• الشاب الاول : يمعود هي ظلت على صولاغ على الاقل احسن من ابو الصحة ، ذاك مضمد ما احطه .. جنه علي العيساوي
• شاب يجلس في الخلف : شبي ابو الصحة؟ ماعاجبك !!
• الشاب الاول : لاعمي اني شكلت .شوكت كلت معاجبني

• الشاب الثاني: اي دير بالك ، مو تكصون بالعالم وتمشون، عبالكم تايها ، روح زيّن شعرك عدل واحجي
• الشاب الاول: نازل بالله نازل (نزل)

• الحجي : شرد المَغسَول .. لا يا جبان على هل الدكَه،عبالي صدك زلمة
• الحجية: عمي هسه هو شكال....ماكال شي وانت اكلته وشربته
• السايق : اخوان اجمعوا الكروه
• الشاب: لا يطلعون دعايات على وزاره العمل ، خل يحترمون نفسهم وينلصمون، مو مزّين حفر وجايني يتنكرز جنه بعيجي
• الحجي: ما بيها شي بويه .. انتم راح تصيرون بالحكومة ، لازم تتحملون حجي الناس .

• الشاب : حجي انت هم شكلك اتطلع دعايات على الناس، منو كلك راح يشارك بالحكومة؟
• الحجي: نازل عمي نازل..خرب بهل القسمة (نزل(

• الحجية : الحجي هم شطح ، كال اني واني وبعدين اطاها اللهيب ، يمكن منّا للتانكي مال المي ميحد راح يبقى .

• الشاب: شنو حضرتج تقلدين ؟ عيب حجيه انت مره جبيره ترى والله ...

• الحجية : نازل يمه نازل ، هاي شلون طركاعة ( نزلت)

• السايق : يابه انت بدل متحجي اجمعلنه الكروه الله يخليك
• الشاب : اني مو (سكن) مال الخلفوك افتهمت ، ترى والله احرمك من الشارع
• السايق : استغفر الله هاي شيخلصها .. بابا انت شبيك شمتريك من الصبح
• شابة كانت صامتة: اخوان صلوا عل النبي ، هاي شبيكم الله غاضب عليكم بس تتناكَرون
• الشاب : الله غاضب عليج وعلى الخلفوج، دغطي كذلتج اول مره وبعدين تفلسفي علينه
• الشابة : نازل عيني فدوه ..عزا العزاني (نزلت)
• السايق للشاب : اسمع لك ترى انت طوختها ، مو عبالك احنا ازواج.

• الشاب : نازل عيني نازل (نزل(

• السايق : الكروه اخوان



الله اكبر وبقيت اني ووراها اشلع اني الوحيد اللي نطيت الكروه
خخخخخخخخخخخخخخخخخخخ
الرجوع الى أعلى الصفحة اذهب الى الأسفل
 
دردشه في سيارة كيا بعد الانتخابات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتـــــديــــــــات نجـــــوم المحبه ألعـــــــراقي :: منتديات التحشيش والفرفشة :: منتدى التحشيش والقصائد التحشيشية-
انتقل الى: