منتـــــديــــــــات نجـــــوم المحبه ألعـــــــراقي


منتدى النجوم العراقي يرحب بكم واهلا وسهلا
 
الرئيسيةالتسجيلدخول

شاطر | 
 

 خيمة عتابا حرف الالف ج1 هدية للنجوم

اذهب الى الأسفل 
كاتب الموضوعرسالة
وسام الرافدين
رئيس القسم الثقافي
رئيس القسم الثقافي
avatar

ذكر الجدي القط
عدد المساهمات : 511
عدد الدنانير : 598
تاريخ التسجيل : 03/11/2010
العمر : 30
البلد : داخل قلب حبيبتي
المزاج : عال العال

مُساهمةموضوع: خيمة عتابا حرف الالف ج1 هدية للنجوم   الأحد نوفمبر 14, 2010 12:56 am

السكم عليكم
هاي بما يسمى عند اهلنا في الجنوب خيمة عتابا وهي من الابوذيات الحزينة ولدي الكثير منها وحسب الاحرف الابجدية واليوم اقدم لكم حرف الالف وهو عبارة عن جزئين وهذا الجزء الاول اتمنى ان ينال اعجابكم


أوف مايطيب جرح دلالي
وعلى الزينين دلالي
عيون الريام والشعر دلالي
حسن يوسف بالوجه مرسوم
*&*&*&*&*&*&*&*

أوف كلتها جثير مرار
عليهم غدا عيشنا مرار
وصدع مني الجبد والمرار
على الزينين الدمع مسكوبي
*&*&*&*&*&*&*&*

أوف ياخوي على الراحلين
حدتهم وكلت يالراح لين
وين اخذوني معاكم يالراحلين
آني عليكم لحث الترايب
*&*&*&*&*&*&*

أوف أصيح على خلاني
اشكد مولع بيكم يا خلاني
بطة نبيكم أحلف يا خلاّني
تسامحوني كبل الفراكــ
*&*&*&*&*&*&*

أبات الليل ماني بميت ولا حي
وليلي سهران جني بّطن حي
أسيلك يانجم السما حبابي حي
بعيسى وموسى والنبي العدنان
*&*&*&*&*&*&*&*&

أنا ضيمي منك وعني
واريدك ليش صرف عني
عال الصبر يالغبت عني
ما جان الرجا أظل وحداي
*&*&*&*&*&*&*&

أنا المني بجى القيثار والعود
اسيلك برب العرش بس عود
انا نذر علي عاد بس عود
واشفك بحالي كبل المنية
*&*&*&*&*&*&*&*

انا لباري الظعن داير
ادورك ياولفي وين داير
بعدك ضاكت علينا دواير
واوجرن صميمي والحشاي
*&*&*&*&*&*&*&

انا الساكت ولمتي ياخلي
اشوف رايد بالعهد خلي
وانا صميلك للنايبات ياخلي
علامك يازمن مغير احوال
*&*&*&*&*&*&*&

انا لصيح والدلال نايل
اشولعك ياكلبي ولانايل
بس هموم حمل نايل
تراكم حملهن على الدلال
*&*&*&*&*&*&*

انا لدبر والقوش ملتمّي
اشتكي للزينين من همي
بعدو جرح الكلب مالتمّي
عجز عنها ماهر الطباب
*&*&*&*&*&*&*

إهنا ياشايفين الولف مع المات
واني جروح دلالي معلمات
صياح الظنا ذكرني معلمات
اصيح مايسمعني حدا
*&*&*&*&*&*&*

اهنا ودي ياطارش لنداماي
سلامي ودّي وخبرهم ندماي
مالي بعدهم بالحي ندماي
حزين وعلى مفاركهم يادلال
*&*&*&*&*&*&*&*

أهنا ياحادي الظعن ريّضلي بيه
ياربي هذا صحيبي من الزغر أربيه
إخذوني ياعيني مكدر يربيه
هين حطني بعدهم يادفان
*&*&*&*&*&*&*&

أسمعك يابعد روحي عتايب
وبعدكم اجدامي ماعدن عتايب
متى لفيتم شلنا والله عتايب
ويفرح كلبي صبح ومسية
*&*&*&*&*&*&*&

اسمعك ونيني لحن قيثار
مرة اضحك وابجي تار
انا ردتك دوم موتار
يشهد ربي بيوم الحساب
*&*&*&*&*&*&*

انتظروا الجزء الثاني من خيمة عتابا حرف الالف

**&**&**&**&**&**&**&**&**&**

وسام الرافدين تسعدني ردودكم

*_______~{ألّتوُـقًيّعْ}~______*
جديدي


استشارات عزابي رايح وطي
http://njom-alma7aba.yoo7.com/montada-f39/topic-t1827.htm#7491
اجمل ما قيل في الحب
http://njom-alma7aba.yoo7.com/montada-f59/topic-t1867.htm#7747
اقوال في الحب لفلاسفة ومفكرين
http://njom-alma7aba.yoo7.com/montada-f59/topic-t1868.htm#7748
اسماء الحب ومراحله
http://njom-alma7aba.yoo7.com/montada-f59/topic-t1869.htm#7749
لمحة عن مدينة الموصل
http://njom-alma7aba.yoo7.com/montada-f104/topic-t1848.htm
الرجوع الى أعلى الصفحة اذهب الى الأسفل
 
خيمة عتابا حرف الالف ج1 هدية للنجوم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتـــــديــــــــات نجـــــوم المحبه ألعـــــــراقي :: ألقــسم الثقافي :: مـُنـْتـَدى الشِعْر الشَعـْبي-
انتقل الى: