اخر اختراعاتي الخنفشارية؟
اليوم رح اكول للكم على اخر اختراعاتي
مثل متعرفون اني دائما اخترعلي شكم شي فاليوم كعدت من الصبح وصافنه على العوجية مال جدي
المهم جان تجيني فكرة خنفشارية
و رحت سويتلي عوجية متطورة تعرفون شلون متطورة هسة اكللكم
اول شي خليت العوجية تشتغل على نظام الوندوز ونصبتله وندوز فيستا
خليتله رام 4 كيكة وكارت شاشة 1 كيكة
وطبعا خليت بيه سماعة تشعل الدنيا شعل حتى اخاف تريدون تسمعون اغاني( وكل هاي دنحجي احنا على عوجية)
وربطت وياهة شاشة صغيرونة اخاف تريدون تشوفون افلام
وحتى تكدرون تفتحون نت عليهة واذا متصدكون اني هسة كتبت هذا الموضوع من العوجية
المهم اني يمن اطيت العوجية لجدي
جدي راح وطلع يفتر بيهة كل اليوم
ويمن رجع اطاني العوجية وكلي عفية بيك ابني بس ترة اتوقع العوجية مالتك يرادله فرمتة
والله طلع صح فرمتته جان داخلله فايروس ونصبت للعوجية انتي فايروس وطلعت جديدة بالبكايت
وهسة العقود مال شركات على هاي العوجية
كاعدة تجيني ركع
بس اني ارفضها لان ما اريد اصير فد شي جبير احب التواضع وبس.تحيااااااتي............؟؟
موضوع: اخر اختراعاتي الخنفشارية؟ 
السبت نوفمبر 13, 2010 5:34 am
