يا باب الحوائج تضل رغم الموت
مو ميت نجي انزورك عله السره
مات اللي ظلم شخصك يراعي الجود
گبره اظلم يعاتب مزبلة قصره
وانته الخلدك ربك اوزل هارون
تحت الگاع جثه اوللحشر قذره
ياالكاظم تضل الشيعتك نوماس
يالصرحك ملاذ اونحتمي ابكتره
يا الكاظم فخر لو جينه الك زوار
ونطوف ابضريحك داير الحضره
والشاهد امس شيعتك بل الأاف
طاحت عالجسر بالفاجعه الكبره
كل هذا اونكول ايهون يا مولاي
فدوه انروحلك يا سابع العتره
ملحمة الجسر طف ثاني بالتاريخ
صارت كربله اوزينبكم العبره
شگ زيجه الجسر من طاحت الزوار
واحد فوگ واحد جثث متطشره
تكول اخيام ابو السجاد في عاشور
من هجمو عليهه ابنار مستعره
اومن كثر الصاب العل جسر شفناه
جبرائيل صاح اولطمت الزهره
واجه الدجله الفرات اولطمن الشطين
گامن للسمه اوطاحن عله الغبره
يموسه الغيض يا سابع ابواب الله
يالحبك صراط اوباجر انعبره
لو مل الجدم نزحف نجيك انزور
يالطوفت ضريحك سيدي ابعمره
نزورك والزياره انواسي بيهه حسين
يالجرحك ضلع متهشم ابصدره
يالصرحك تحدي اوگبتك مريخ
تربي اعله العراق المايذل قدره
خاتم صارت الدنيه المحمد هاي
وانته عليهه سابع جوهره اوشذره
تحياتي
موضوع: جسر الآمة ( يا باب الحوائج تضل رغم الموت ) 
الثلاثاء نوفمبر 09, 2010 12:41 am