شنهو ذنب عيوني

شنهو ذنب عيوني ذَني وعودتهن عالسـهر؟
وشنهو ذنبي من ابقه كاعد ليلي لحــد الفـجر؟
وبيا بخت من اكضي يومي كله بالهم والقـــهر؟
واصفن وصفناتي طولن خلّصن كسـر وجبـر.؟
حتى ملت روحي مني وضاج من عندي الصبر.
لشوكت ابقه آني اعدّي وانت كلبك جن حجر؟
ولشوكت ابقه اعتنيلك وانتظر جرح الغـدر؟
ولشوكت ابقه احترك بالنار من اسمك يمـر؟
لا.يــامحبوبي كفــايه بــعد مابيــه انتــظر؟
والضاع مني ايام حلوه وتنحسب مني عمر!
خل اعيش الباقي منهن وآني مرتاح وحذر.
كافي ظلم وكافي قسوه كافي حرمان وهجر.
وكافي اهم بأنسان بايع من زمان بلا سعر..
وكافي ازرع بالموده وغيري اليحصدثمر!
احنه وصلّنه النهايه ومانرد صدّك شبــر.
خلي نطويه للي راح اليوم ومنردله بذكر.
وخلي نجمع ذكرياتك وخل نشوفلهن كَبر.
حتى تعرف مات حبك من اساسه من الجذر!
وتدري اذا جابتنه صدفه ومرّه جمّعنه القدر؟
راح اكولن هذا يشبه واحــد بذيج الصــور.اللي حاركهن بأيديه لشخص مات من الفكر[

انت الذووق حب تسلم

جميل جدا عاشت الايادي