اعاتب والعتب مسموح ياعين
عليمن بالفرح والحزن تبجين
عليمن حمليتيني الملامات
وانتي غاليه وعدهم ترخصين
عليمن ضيعوج وشافو الغير
وبقيتي بروحي بدموعج تلومين
اعاتب والعتب مسموح ياعين
ومالي غير اعاتبهم وتدرين
شبيدي الضيعونه بروحنه عزاز
ونسونه وللاسف غمضن الجفنين
واني وياج بين الدمع والنوح
سهرنه وضيعينه الزين والشين
عليمن ياورد ضيعت الالوان
وصفه لونك غريب ويشبه الطين
عليمن ضيعت من جذرك الكاع
ورحل عنك طعم عطر الرياحين
وذبل لون الخظار وصرت مهموم
وهجرت الماي ياورد البساتين
العصافير التغرد جانت اشكال
ليش تغير التغريد بونين
اعاتبمن بعد شيفيد العتاب
ذبل غصن الورد وتهل دمه العين