ارد ابوسك حيل واطبع شفتي بيك
ومن اكرب يكتل شفافي الخجل
انت اذا يمنه تمر كلنه ندوخ
وناس تردم ناس ويطكنه الثول
تريد مني من الغزل اكتب عليك
هو كلي وياك يرهم ياغزل
انت عندك شفه من عده الرحيق
والنحل ضل يبجي فوكاه النحل
اصبع من ايدك دخل بكلاص ماي
انكلب مو ماي وتحول عسل
بوسه من شفتك دوى وتشفي العليل
يطيب من ساعته وتعوف العلل
بردت الدنيا ثلج طاح وصقيع
نخلي ادينه اعليك نتدفه نضل
انت من تمر نضل نلطم عليك
نردد بحبك قصيده ومستهل
سبحان الاله شكد حلاه منطيك
رتبك حد ماصرت تكتل كتل
ويا امل بالدنيا من اجلك نعيش
شعدنه غيرك مايضل عدنه امل
تحياتي كبدااتي
موضوع: شعدنه غيرك مايضل عدنه امل 
الخميس أكتوبر 14, 2010 9:05 pm
