يابه سمعتوا بابه نؤيل أجه للبغداد....! بالجذب شبيكم
مثل ما تعرفون أن بابه نؤيل رجال طيب و حباب ينطي هدايا للجهال
و الزعاطيط ...المهم
فد يوم حجي نؤيل ديباوع بالخريطة مال العالم..جان يشوف العراق
كال اي ذوله خطيه خل أساعدهم ...ما أطول عليكم السالفه,والله نكر سلف مال العربانه و طير الغزلان.وبطنشها
وين اجه,عدل و كبل لبغداد
خطيه بقه تلث ساعات يدور على بيت بيه شجره مال كرسمس فلا أكو,يدور منا يروح منا ماكو,لهناك جان يخيط العربانه ببريك قوي,حتى الغراض و الملاعيب بالعربانه أطشرن.و أتفلشن
وكام يصيح (لكيت بيت,لكيت بيت,لكهه,لكيت)فرح
نزل بالسطح مال البيت, و بقه يدور على فتحه,ماكو
لك راد باب مفتوحه,هم ماكو. زين شباج يكسره ويفوت منه ماكو
]
طركاعه مصخمه,أبد
بالأخير فات من الفتحه مال المبرده....!(طبعا الكرسمس بالشته)شلون فات ما أدري
حط الهدايا يم الشجره و طلع
والله عيني أول ما طلع جان يسمع صوت واحد يصيح (حرامي,حرامــــــي)
عينكم ما تشوف إلا النور,أشتغلت الطلقات,بي كي سيات,لك عمي حتى قاذفات و مقاومه طائرات على الرجال المسكـيــن
هو كام يركض من بيت لبيت,من سطح لسطح.لك ميعرف شنو الفلم,عباله صارت حرب و علكت.كال أطفر أحسن
عــيــنــي و التمتلك المونيكات و الهمرات و الأباتشي تفتر فوك المنطقه و الحرس الوطني أجه والحرس الخاص و الجمهوري و الأمريكان و المغاوير حتى حراس الكراج مال السيارات أجوي,أي وداعتكم.مدا خذب
واحد يكول (شفته لابس حزام ناسف),و الاخ يكول (العربانه مالته مفخخه).عراقيين بعد
هناك جان يجيت عليه واحد و كمشه,وسحله سحل من لحيته,طبعا ما أسولفلك,جهال الشارع بالحصو,النسوان بالنعل,أبو المخضر بالمخضر البايت عنده
طبعا شبع طن كتل,مات مات الزلمه من الكتل....المهم كول وصل للمركز,ياريته ما وصل
بالتحقيق محد صدكه,يابه هيج و هيج السالفه,محد يصدك و تعرفون الشرطه مالتنه شلونهم,لك عمي كيت وكيت و كيت السالفه,يابه كذا و كذا و كذا,قافلين الجماعه ولا واحد يصدك,كلما يفتح حلكه يجي راشـــــدي معدل.طراخ
وبعديــــن,زينو صفر و شالو لحيته و الحجي بيناتنه أخذو المبايل مالته,وجانن بجيبه جم فلس أربع أوراق ونص,ذني الفلوس يشتري باكات جت تدرون هاي الغزلان شيوكلهن سم و زهر مر,هم يرادله جم فلس
تالي هناك والله طلعو,كالو رجال جبير و مخرف و عله كد عقله شاف روحه يشبه بابه نؤيل
والله رجع بابه نؤيل للبيت الخله بي الهدايا,ها عيني شسولفلكم,أنتو أتخيلو,طن كتل و متبهذل وهدومه الحمره صارت سوده و مشكشكه,شايفين المخبل بساحه الميدان,بالضبط يشبه
سأل جاهل(شصار من العربانه,طبعا هاي بصوت مبحوح تعرفون هسه أكل طن كتل)سوده عليه
الجاهل كله(الغراض الجانت بالعربانه كله تحوسمت)قابل أحنه بلندن
جان يسأله بابه نؤيل(زين و الغزلان وكلتوهن داريتوهن زين)فطير شسويله
رد عليه الجاهل(عمي يا غزلان,هنه جم حمار وعربانه مكسره,أجوي أخذوهن الدواره أهل الطحين و راحو)تعرفون الدواره
ويدكها الرجال مشي من بغـــــــــداااااااااد لبيتهم ,و داعتكم حتى فلوس كيه ماكو بجيبه(ماعده الأربع ورقات ونص)خطيه
كال ويه روحه (أني أجي بعد لبغداد,بعد والله ما أوصل لبغداد,أح أح),,,المهم
هو بطريق الرجعه,وميعرف شيسوي,جان طكت يمه المفخخه خطيه,جان يطيــــــــــــــــــــــــــــــــــر وطراخ أنشمر بالكاع,لا أكللكم ولا تكللولي حال الظيم حاله
خطيه صفن و كال(ولكم شنو منو ماكل باكله زايد)أكيد عرفتو شيقصد الحجي,حقه يابه حقه,ميعرف شنو المفخخه
و كوه تعالو فهمو شنو المفخخه.....المهم
ظل يمشي للبيتهم كاع تشيله و كاع ترده,هو بالطريق كمشو جماعه و أخذو
و هم عذبو كسرو سنونه شلعو أظاره و شكلوله,لا دباوعو شكلوله أنته منين,أنته من جماعتنه لو من جماعتهم,هو فكر بهاي الحجايه,ضرب أخماس بأسداس
كال خل أصير لوتي براسهم
جاوبهم(أني من جماعتكم),كلوله (لعد أحنه من جماعتهم),و راح بيها الرجال المسكين
عمي شورطك شجابك للعراق...المهم
أجوي ديذبحو, ويه ما ديذبحو جان أجتي الغزلان و العربانه,طبعا شصاير بيهم,جانن يم أبو الغاز,عبالك صايرات مطايه مال الجوادر....المهم
فلتو من جماعتهم هو و الغزلان,بالكوه عرت بالغزلان و لزك بيهن و فلتو من بغداد
هو عباله أرتاح أخذ نفس,شاف روحه كعد بالعربانه,جان يباوع للسماء و أندعه(الحمد لله أجتي عدله)مسكين
بعد ما طار و علك بالسماء,عــيــنــي و ميحس إلا صاروخ السترله يكلبه كلب,تعرفون الصاروخ من هذا الحنين
جان تعلك عليه خطيه,السبعه و خمسين,الدوشكات,حركوها عليه حرك....المهم
هو ميدري شلون...طار هيجي فوك وحده من الغزلان و عرت بيها و فلت,وين عدل و كبل للدائره الي يداوم بيها,بس وصل.رأساً أستقال,أي وداعتكم
و كال(أنعل أبو اليشتغل بهاي الشغله بعد)